Espainiako Estatuko industriak 35.572 tona ezti erosi zizkien beste herrialde batzuei 2024an, 1,80 €/kg-ko batez besteko sarrera-prezioan. Horietatik %27 Portugalen barrena sartu zen, 1,60 €/kg-ko prezioan, Nekazari eta Abeltzainen Erakundeen Koordinakundeak (COAG) egindako ikerketaren arabera.

2024ko urtarriletik abendura bitartean, Espainiako Estatuko operadoreek 35.572 tona ezti erosi zituzten beste herrialde batzuetan (2023an baino 4.135 tona gehiago). Beste urte errekor bat dugu inportazioetan, soilik 2022an gainditua (serie historikoaren inportazio-maila goreneko urtea).

Portugal da, berriz ere, Espainiako industrian eztia hornitzen duen herrialde nagusia. Portugalgo industriak 9.657 tona ezti saldu zizkien operadoreei (inportazio guztien %27 2024an), batez beste 1,60 €/kg-ko prezioan.

Txina bigarren hornitzailea da bolumenari dagokionez. Txinako operadoreei zuzenean erosi zitzaien 6.527 tona ezti (inportazio guztien %18 2024an), batez beste 1,17 €/kg-ko prezioan.

Ezti merkearen triangulazio masiboak mantendu dira Portugalen zehar Estaturantz 2024ko urtarriletik abendura bitartean. Aldi berean, Portugalgo operadoreek 9.657 tona ezti saldu zituzten 1,60 €/kg-ko batez besteko prezioan, 7.444 tona erosi zizkioten Txinari 1,13 €/kg-ko batez besteko prezioan, eta 1.421 tona Indiari 1,54 €/kg-ko batez besteko prezioan.

Portugal eta Txinaren atzetik, herrialde hornitzaile garrantzitsu hauek daude urte honetan:

• • Argentina (4.965 tona ezti 1,89 €/ kg-ko batez besteko sarrera prezioa)
  • Ukraina (4.569 tona ezti, 1,89 €/ kg-ko batez besteko sarrera-prezioa)
  • Alemania (2.890 tona ezti 2,52 €/ kg-ko batez besteko sarrera prezioa).

Zonaldeka, hauek dira 2024an Espainian ezti merkea gehien erosten duten industriak:

1. 1. Valentzia (17.430 tona ezti, probintzian sartzeko batez besteko prezioa: 1,72 €/ kg)
   2. Salamanca (10.634 t 1 '56 €/ kg)
   3. Burgos (1.880 t, 1,55 €/ kg)
   4. Castelló (1.614 t, 2,15 €/ kg)
   5. Sevilla (952 T 2 '84 €/ kg)
   6. Huesca (893 t 1 '84 €/ kg)
   7. Granada (457 t 1 '86 €/ kg)
   8. Murtzia (370 T, 3,14 €/ kg).

Hego Euskal Herria da inportatutako ezti gutxien duen eremuetako bat, lau lurraldeetako batek ere ez baitzituen 330 tona baino gehiago izan.