ELA, LAB, ESK, Steilas, Hiru eta Etxaldek gutxieneko soldata propioaren aldeko bidea ireki dute
2025 - Urt - 21
Langile klasearen bizi baldintzak hobetzeko, prekaritateari aurre egiteko eta gizarte kohesioa eragiteko, euskal gehiengo sindikalak gutxieneko soldata propioaren aldeko bidea ireki dute, Herri Ekimen Legegilea erregistratuz eta Lanbidearteko Akordio baterako eskaera luzatuz.
Hego Euskal Herriko langileentzat soldata propio baten aldeko ibilbidea abiatu dute ELA, LAB, ESK, Steilas, Hiru sindikatuek eta Etxalde mugimenduak, bai Herri Ekimen Legegilea erregistratuta, bai Lanbidearteko Akordio baterako eskaera luzatuta, EAEn zein Nafarroan.
Prentsaurreko baten bitartez gogoratu dutenez, azken urteetan eskubide sozialen aldeko hainbat ekimen sozial eta sindikal izan dira, besteak beste, pentsio eta soldata duinen alde. 2020ko Greba Orokorrean gutxieneko soldata eta pentsioak izan ziren eragile sozial eta sindikatuon aldarrikapen nagusietako bi.
Bost urteren ondoren, lemari berriro heldu diote sindikatuek zein pentsionisten mugimenduak. Horregatik, ELA, LAB, ESK, Steilas, Hiru sindikatuek eta Etxalde Mugimenduak bat egiten dute pentsiodunen mugimenduak pentsioak gutxieneko soldatarekin parekatzeko aurkeztu duen Herri Ekimen Legegilearekin eta sinadurak bilduko dituzte beraiek ere.
«Espainiako gutxieneko soldata oso baxua da eta ez dio erantzuten Hego Euskal Herriko egitura sozioekonomikoari, ezta langileok hauteskunde sindikaletan zein mobilizazio bidez erakutsi duten borondate berezituari ere. Gutxieneko soldata aberastasuna banatzeko eta pobrezia murrizteko tresna izan beharko litzateke, baina Espainiako gutxieneko soldatak ez du funtzio hori betetzen», azaldu dute.
Hemen, gutxieneko soldatak askoz baxuagoak
Aipatu dutenez, Hego Euskal Herriko antzeko egitura sozioekonomikoa duten herrialdeetan 2024an gutxieneko soldatak askoz altuagoak izan ziren: Alemanian 2.054 eurokoa, Britainia Handian 2.230 eurokoa, Belgikan 2.070 eurokoa, Luxenburgon 2.570 eurokoa, Herbehereetan 2.134 eurokoa, Irlandan 2.134 eurokoa edo Islandian 2.493 eurokoa (urteko 12 ordainsaritan). «Onartezina da Hendaiako langileen egungo gutxieneko soldata 1.802 eurokoa izatea eta Irungo langileena 1.303 eurokoa (14 ordainsaritan banatzen den Espainiako LGSren kopurua, 12 hilabetetan banatuta)», gehitu dute.
Hori dela eta, sindikatuek bi ekimen jarri dituzte martxan, bata bestearen osagarri. Herri Ekimen Legegileak patronalarekiko presioa eragiten du Lanbidearteko Akordioa negoziatu dezan, bestela legezko araugintza etorri baitaiteke. Eta Lanbidearteko Akordioak eskumena eskualdatzeari bidea ireki diezaioke.
Sinadura bilketa bera mobilizazio erraldoi bat izan dadila nahi dute sindikatuek, eta etapa bakoitzean beste eragileen erantzunaren arabera, mobilizazio berriak antolatuko dituzte.
Ildo beretik, patronalari «fede onez negoziatzea» exijitzen diote. Instituzioei «ekidistantziak alboratzea eta langileen prekaritatea bultzatzen duen patronalari aurre egitea» eskatzen diete, «eta beren ardura esparruetan administrazioetako langileei eta azpikontratatutako langileei gutxieneko soldata nahikoak bermatzea». Azkenik, alderdi politikoei Herri Ekimen Legegilea babesteko konpromisoa eskatu diete.
Esperientzia onenak eskaintzeko, gailuen gisako teknologiak erabiltzen ditugu informazioa gordetzeko eta/edo eskuratzeko. Teknologia horiek erabiltzeak aukera emango digu datuak prozesatzeko, hala nola nabigatzeko portaera edo webgune honetan dauden identifikazio bereziak. Ez onartzeak edo ez onartzeak eragin kaltegarria izan dezake zenbait ezaugarri eta funtziotan.
Funtziozkoa
Always active
Biltegiratze edo sarbide teknikoa behar-beharrezkoa da harpidedunak edo erabiltzaileak esplizituki eskatutako zerbitzu jakin bat erabiltzeko aukera emateko helburu legitimorako, edo komunikazio bat komunikazio elektronikoen sare baten gainean transmititzeko helburu bakarrerako.
Lehentasunak
Biltegiratze edo sarbide teknikoa beharrezkoa da harpidedunak edo erabiltzaileak eskatzen ez dituen lehentasunak gordetzeko.
Estatistika
Helburu estatistikoetarako soilik erabiltzen den biltegiratze edo sarbide teknikoa.Helburu estatistiko anonimoak lortzeko soilik erabiltzen den biltegiratze edo sarbide teknikoa. Zitaziorik gabe, zure Internet Zerbitzuen Hornitzaileak bere borondatez edo hirugarren baten erregistro gehigarrien bidez emandako informazioa ezin da erabili zu identifikatzeko.
Marketing
Biltegiratze teknikoa edo sarbidea beharrezkoa da erabiltzaile-profilak sortzeko publizitatea bidaltzeko, edo erabiltzailearen jarraipena egiteko webgune batean edo hainbat webgunetan, antzeko marketin-helburuekin.